Banka Cîhanî alîkarîyeke darayî ya 100 milyon dolarî ya Sazîya Geşepêdana Navneteweyî (IDA) ji bo Sûrîyê pejirand.
Armanca vê alîkarîyê ew e ku li Sûrîyê bingehên sîstemeke darayî, ewledar û dîjîtal a nûjen werin avakirin.
Di daxuyanîyeke îro Înê de, Banka Cîhanî ragihand ku "Projeya Nûjenkirina Sektora Darayî ya Sûrîyê" dê piştgirîyê bide karsazîyên ku daxwaz dikin karûbarên aborî ewledar, bilez û zelal bikin.
Banka Cîhanî diyar kir ku bi vê projeyê, dê salane herî kêm 15 milyon karûbarên pereyî bi rêya elektronîk werin kirin. Ev proje dê alîkarîya 500,000 kes û karsazîyan werin kirin, ku di nav wan de 150,000 jin jî hene, da ku sîstema şandina pereyan a dîjîtal bi kar bînin.
Di dema şerê navxweyî de û di bin rejîma Beşar Esed de, bankên Sûrîyê ji sîstema darayî ya cîhanê hatibûn qutkirin.
Banka Cîhanî da zanîn ku ev proje dê ewlekarîya bankan xurt bike û rê li ber şûştina pereyan û fînansekirina terorê bigire.