Nûnerê Taybet yê Amerîka bo Sûrîyê Tom Barrack îro Înê pêşwazîya girtina Emced Yûsif ji alîyê hêzên ewlehîyê yên Sûrîyê ve kir, ku bi navê “Kujerê Tedamon”ê tê nasîn û berpirsîyare ji kiryarên hovane li dijî sivîlên Sûrîyê.
Tom Barrack li ser platforma X'ê ragihand ku, “Ev girtin gaveke xurt û cidî ye ji bo rêgirtina derbasbûna ji berpirsîyarîyê û cezakirinê û ew mînakeke ji modela nû ya dadwerîyê li Sûrîye piştî rakirna Esed ji holê.”
Barrack herwiha got, “Ev nimûneyeke ji bo serwerîya qanûn, aştîbûna neteweyî û sepandina wekhevîyê.”
Wezareta Navxweyî ya Sûrîyê îro Înê girtina Emced Yûsif, gumanbarê sereke yê komkujîya sala 2013an a li taxa Tedamon a Şamê ragihand.
Ev gumanbar berpirs e di ber kuştin a dehan kesên bêguneh de ku di lêkolinên navneteweyî de hate belgekirin.
Komkujîya Tedamonê di 16ê Nîsana 2013an de li taxa Tedamon a başûrê Şamê, bûbû.