Çendîn mehin kar jibo pêşxistina derbenda avî ya Khor al-Zubair tê kirin ku derbendek avî û deriyê giring yê bazirganî û hinartina petrola Îraqê ye li parêzgeha Basra ya başûrê Îraqê.
Khor al-Zubair ji aliyê hikûmeta Îraqê ve tê pêşxistin û beravên zêde yên rawistandina keştiyan tên çêkirin û taybetmendiya berhemê petrolê daye wî derbendî.
Khor al-Zubair Derbenda serekî û tekane ya Îraqê ye li ser ava Kendavê ku tenê li wêderê petrola Îraqê tê şandin û pêşwaziya keştiyên sotemeniyê dike.
Herwiha ew derbend pêşwaziyê li anîna û hinartina madên avakirinê, elektrîk û madê xwarinê dike, heta niha jî tenê yek berbihav heye jibo rawistandina barên xwarinê jibo wê hatîye terxan kirin.
Li derbenda Khor al-Zubair 11 berbihav-Resîfe jibo hinartina barên petrolê hatine terxan kirin, li wan berbihavan hem petrol tê şandin, hem jî pêşwazî li barên petrola sefandî yên weke banzîn û dîzilî tê kirin, ku bo pêdiviyên navxweyî tên bikar anîn.
Jibo ku derbend bihê berfireh kirin û hêza berhemanîn zêde bibe, niha 5 berbihavê-resîfên din tên amade kirin, zêdebarî berbihavek din ku pereyê wê bi deyin ji Japoniya hatiye wergirtin ew jî tê çêkirin.
Dîsan kar li ser kurkirina derbendê tê kirin û hêla boriyên nû tê çêkirin û dezgayên weha tên çêkirin ku bikare pêşwaziyê li keştiyên barî yên mezin bike.
Karbidestên derbenda Khor al-Zubair dibêjin, dahat û şiyanên wê ducarkî zêde bûne jiber ku bi şêweke giştî bo berhemê petrolê hatiye terxan kirin, ev jî dê bibe alîkar bo rewşa Îraqê ya ku di warê malî û aborî de di tengasiyê de ye dê bibe dahteke din.
Jiber rewşa aborî ya xerab, Îraq hewil dide çavkaniyên dahatên xwe pirrengî bike.