Di bîranaîna hunermend Bavê Selah de, ku çar sal li ser koçkirina wî ya dwî de derbs bû, me xwest em carek din roniyê bidin ser xebatên vî hunermendê û ka çi li paş xwe hişt û ta nuha çê jê re bûye û sermiyanê wî ji stran û helebestan li ku maye.
hunermend Şêrzad Efrînî ( Selah) kurê bavê selah yê mezin e û gelek bîranîn di nav wan de hebûn di jiyan û hunerê de.
Şêrzad li ser Bavê Selah dibêje, Ew kesekî nefis biçûk bû û dilgeş bû, zû bi zû di bû hevalê her kesekî.
Wekî din wî got ku bavê wî bi sedên stranên kurdî yên folklora Çiyayê Kurmênc ji wendakirinê parast, lê mixabin ku ta roja îro hîna berhem û sermiyanê wî nehatine çapkirin û belavkirin.
Hunermend Bavê Selah ( Ebdulrehman Omer) di sala 1952 yan li gundê Kurda li herêma Efrînê ji dayik bû.
Ji zaroktiya xwe fêrî Tembûrê bû li ser destê hunermend Adîk.
Ya din jî wî gelek stranên kilasîk ji dayika xwe girt ya bi navê (Gulîzer Brahîmê Tirko) ku bavl wê Brahîmê Tirko navdar bû bi dengê xwe û stranên xwe yên dengbêjiyê.
Di sala 1984an bû endamê koma Armanc li Efrînê û dest bi pêşkêşkirina şevbihêrk û newrozan kir.
Bavê Selah bi dehên caran rastî gef û girtina rêjîma Baas ya Sûrî bû di dawiya wê de sala 2011an bû.
Dîwanek wî ya helebstan li Stanbûlê hatiye çapkirin.
Di sala 2016an koça dawî kir.
Bi sedan stran û dastanên kurdî li paş xwe hişt, ku li benda çapkirn û belavkirinê ne.
Wêneyên hunermend Bavê Selah