Serokwezîrê Brîtanyayê Keir Starmer îro Duşemê ragihand ku welatê wî kombûneke mezin ya navnetewî birêve dibe ji bo çareserkirina girtina tengava Hormuzê û parastina keştîvanîyê li wir.
Keir Starmer li ser platforma X’ê got,”Girtina berdewam a Tengava Hormuzê gelek zîyandar e. Tevgera keştîvanîya gerdûnî pir girîng e ji bo sivikkirina fişarên li ser lêçûnên jiyanê.”
Starmer anî ziman ku “Brîtanya bêhtirî 40 welatên ku armanca me ya vegerandina azadîya keştîvanîyê parve dikin, kom kirine.”
“Vê hefteyê, Brîtanya û Fransa dê ji bo pêşvebirina xebata li ser planeke hevrêz, serbixwe û pirneteweyî ji bo parastina keştîvanîya navneteweyî dema ku pevçûn bi dawî bibin, lûtkeyek hevbeş li dar bixin.”