Fermandarîya Navendî ya Amerîkayê (CENTCOM) di salvegera 250emîn a Serxwebûna Amerîkayê de rêzgirtin ji milyonan leşkerên ku li navendên CENTCOM'ê xizmet kirine pêşkeş kir.
CENTCOM'ê di peyama xwe ya pîrozbahîyê ku di platforma X'ê de weşand, got: "Di bîranîna 250 salîya damezrandina Amerîkayê de, rêzgirtinek taybet ji hemû wan kesan re heye ku bi rûmet cilê leşkerî li xwe kirin û ji bo parastina azadî û ewlehîya welêt xizmet kirine."
CENTCOM got ku ji destpêka damezrandina Amerîkayê ve, baştirîn kur û keçên welêt bi fedakarî di hêzên artêşa Amerîkayê de xizmet kirine, di heman demê de malbatên wan jî bi piştgirî û qurbanî beşdarî vê erkê bûne.
Di vê roja taybet de, CENTCOM got ku rêz li milyonan leşkeran hate girtin ku ji bo derveyî welêt hatin şandin û xizmetyê dikin, ji bo parastina azadîyê kar kirin û bi serbilindî li navçeya fermandarîya CENTCOM'ê xizmet kirine.