Wezîra Derve ya Amerîkî Hillary Clinton roja Sêşemê li Washington pêşwazî li çalakvanên demokrasîxwaz yên Rojhilata Navîn kir.
Di wê civînê de birêz Clinton piştgîrîya Amerîkayê bo çalakvanan ragihand û ji wan xwest ku nêrînên xwe hemberî çewanîya parastina mafên mirovan û azadîyan li Rojhilata Navîn dîyar bikin.
Çalakvanên ku serdana Washingtonê dikin xelkê welatên Rojhilta Navîn û bakurê Afrîkayê ne, di nav de Misir, Lîbya, Tûnis, Yemen, Cezayîr, Urdun, Kuwayt, Libnan, Mexrîb, Qeter û deverên Felestînî.