Lînkên eksesibilîtî

DAIŞ'ê Piştî Demeke Dirêj Êrîşî Axa Lubnanê Kir


Reuters'ê ragihand ku çekdarên Dewleta Îslamî (DAIŞ) ji sînorê Sûrîyê heft roketên Grad firandine axa Lubnanê.

Di êrîşa roketî de ti kes birîndar nebû û nehat kuştin.

Jêderên ewlekarîya Lubnanê ji ajansê re dîyar kirin ku piştî çend salan cara yekê DAIŞ bi roketan êrîşî axa Lubnanê dike.

Roketên ku DAIŞ'ê avêtin li dora el-Qaa ketin û Artêşa Lubnanê jî bersîv da.

Hin herêmên li dora Arsalê û nêzî sînor di destê çekdarên DAIŞ'ê û Cephetul Nusra de ne.

Meha borî, Hizbullaha Lubnanê êrîş biribû ser çekdarên Nusra û ew ji herêmên wan derxistibûn.

Li ber e ku di demeke nêz de Artêşa Lubnanê, operasyoneke li dijî çekdarên DAIŞ'ê yên li sînorê Lubnanê li dar xîne.

XS
SM
MD
LG