Berbijarên bajarvanîyê yên Partîya Wekhevî û Demokrasî ya Gelan (DEM Partî) wê berî pêşhilbijartinan weşanên zindî çêkin.
DEM Partî, ku wê 13-14’ê Çileyê pêşhilbijartinan li dar xe, wê berbijarên bajarvanîyê yê Wan, Mêrdîn û Amedê derxe weşanên zindi.
Weşanên zindî yên wê ji hesabên medyaya civakî û kanala YouTube yên DEM Partî werin weşandin sibê Çarşemê bi berbijarên Wanê destpê dikin.
12 berbijarên bajarvanîyê yên DEM Partî, ku 3 ji wan jin in, wê li ser ekranê plan û projeyên xwe bibêjin.
Li gor ragihandina DEM Partî dema axaftinê wê jibo berbijarên jin 7 deqîqe û jibo berbijarên mêr jî 5 deqîqe be.
Jibo berbijarên Mêrdînê wê 11’ê Çileyê û jibo berbijarên Amedê jî wê 12’ê Çileyê weşanên zindî çêbin.
DEM Partî dide zanîn ku li Mêrdînê 16 û li Amedê jî 15 berbijar hene.