Partîya Siberojê û Partîya Demokrasî û Pêşveçûnê (DEVA) danûstandinên ser avakirina komeke hevbeş didomînin.
Di hilbijartinên 14’ê Gulanê de Partîya Siberojê û DEVA ji lîstên Partîya Gel ya Komarî (CHP) ketibûn parlamanê.
Hejmara kursîyên DEVA’yê 15 û ya Partîya Siberojê jî 10 e.
Çaverê ye Serokê Partîya Siberojê Ahmet Davutoglu û Serokê DEVA’yê Alî Babcan îro bicivin.
Serokê Partîya Saadetê Temel Karamollaoglu jî di rojên borî de gotibû ku ew bi awayekî erênî li DEVA û Partîya Siberojê dinêrin ku ew bi hev re bibin kom.
Di parlamanê de 10 kursîyên Partîya Saadetê hene, lê ew dixwaze ku kom li bin navê wê çêbe.
Li parlamana Tirkîyê herî kêm bi 20 kursîyan kom çêdibe.
Jêder: Twitter, VOA