Genc û law çîna herî hestîyar e di civakê da. Hijmareke zor ji gêncan ji ber belavbûna koronayê mayne bê kar.
Ew gencên kar jî dikirin, bi hatina petaya koronayê rte karên xwe ji dest dane, bi sedema girtina kompanî û cihên kar.
Hin gêncên bajarê Duhokê li gel Dengê Amerîka behsa vê mijarê kir.
Kurdo Bayezîd ku derçuyê endazyariya petrolê ye, di bêje delîvên karî bo wan hatin lê bi belavbûna koronayê re wan ew delive ji dest dan, çonke “buhayê petrolê dabezî û gelek kompanî hatin girtin û emjî bê kar mane.”
Rêber Zirek, wek gêncekî di bêje,” koronayê kartêkirinek derûnî li me kiriye û jiyana me bi şêwek giştî, çonke mirov bi azadî nikare hatin û çûnê biket ji ber pêgîriya rênmayên saxlemiyê. Mirov bihên teng dibe.”
Lê Aras Esa dibêje, “berî belavbûna koronayê ji delîvên karî bo gêncan kêm bûn an mirov dikare bêje her nebûn. Lewra koronayê zor kartêkirin li karî nekiriye.”
