Li zanîngeha Duhok li ser diyarde û hizra xwekuştinê û çawanîya kêmkirina wê diyardê di civakê de, rêze semînar û kurbendek hat encam dan.
Bi beşdarîya hijmarek ji derûnas û kesayetiyên olî û rêveberîyên polis û tûndûtîjiyê û hijmarek xortên li fakolteyên zanîngeha Duhok dixwînin amade bûn.
Li ser vê konfiransê û giringî û armanc û peyama kurbendê rêxera vê çalakiyê Şîlan Ehmed Salih bo dengê Amerîka axvî û got, "piştî me dîtî rêjeya xwekuştinê zêdebûye, me ev konferanse encamda, ne ji bo dîyarkirina sedem û egeran bi tenê, belkî li dawîya kurbendî dê gehin hindek encaman ka dê çawan van haletan kêmk bikîn û kêmtir qûrbanîyan bidîn."
Gencê bi navê Muhemed Sabir, sedem û egera xwekuştinê di nav gencan da bo bê hêvîtî û şer û xemokîyê vedigerîne .
Di konferansê de panalek taybet li ser mediya civkî û bandor û kartêkirina wê li ser civakê û gencan ji aliyê başî û xerabîyê de hat pêşkeş kirin.
Yek ji kesên çalak di mediya civakî de, Nesîm Sebah behsa vê yekê bo dengê Amerîka dike û dibêje "Ez di bînim rêjeya pitirî ya gencên me, mediya civakî xelet bi kartinin û sêrça û guhdariya şexsên xelet dikin."
Hêjayî gotinêye ku, li dûf amarên rêveberîya polis û tûndûtîjiyê di sala 2020 da 14 haletên xwekuştinê hatine tumarkirin û di 8 mehên 2021 da 23 halet hatine tumarkirin, eve wê çendê dide xweyakirin kû rêjeya xwekuştinê ber bi zêdebûne ve diçe.
