Di xwepêşandanê de siloganên dijî êrîşên Tirkîyê hatin bilind kirin, herwiha ji civaka navneteweyî hat xwestin ku van êrîşan rawestînin. Artêşa Tirk bi dehan êrîşên şeva Şemîyê gelek herêmên bakur û rojhilata Sûrîyê bombe kiribûn ku di nav de gundên Bêlûnîyê, Şiwarqa, Şêx Îsa û Malkîyê yên herêma Şehba jî hebûn. Di wan êrîşan de 5 şervanên Hêzên Rizgarîya Efrînê (HRE) û 15 leşkerên artêşa Sûrî hatibûn kuştin.