Parlamanterê Partîya Dad û Pêşvebirinê (AKP) Salîm Ensarîoglu ser peyvajoya dawî ya li Tirkîyê got ku jibo Kurdan û Tirkan rewşeke dîrokî ye.
Ensarîoglu di hevpeyvîna Amidahaber de ku danûstandinên nû yên hikûmetê û Partîya Karkerên Kurdistan (PKK) ji yên berê cuda ne.
‘’Ji dîyalogê zarar çênabe, ji dîyalogê mirin çênabe. Bi kêm û zêdeyên xwe dîyalog her tim rast e.’’
Wî dîyar kir ku ew bi qasî 10 rojên berê bi Serokê Tirkîyê Recep Tayyîp Erdogan re ser mijarên herêmî axifîye û wî dîtiye ku ew jibo çareserîyê ji dil tevdigere.
Ensarîoglu got ku ew ser gavên wan yên girîng spasîya Erdogan, Serokê Partîya Tevgera Neteweper (MHP) Devlet Bahçelî û Serokê PKK’ê Abdullah Ocalan dike.
Parlamanterê AKP’ê dîyar kir ku niha Rojhilata Navîn di girjîyê de ye û ew di vê demê de bawer dike ku ewê ji danûstandinan encamên erênî derkevin.
Wî got ku divê ew di vê demê de ser karanîna peyvan baldar bin û ewê bawerîyê bi dîyalogê bînin.
Ensarîoglu dîyar kir ku ger dîyalog û demokrasî hebe ewê hem kêrî Kurdan û hem jî kêrî Tirkan were.
Ocalan 27’ê Sibatê bang li PKK’ê kir ku çekan berde û dawî li xwe bîne.
PKK ser banga Ocalan dîyar kir ku ewê li gor wî tevbigere û agirbest ragihand.
Jêder: Amidahaber