Serokê Tirkîyê Recep Tayyîp Erdogan îro Şemîyê dîyar kir ku hewlên aştiyê yên Rojhilata Navîn bêyî piştgirîya herêmî nikarin bi ser bikevin û divê destûr neyê dayîn ku Îsraîl peymana aştiyê ya Amerîka û Îranê "dînamît" bike.
Erdogan li Stenbolê di preskonferanseke hevpar ya bi Serokwezîrê Pakistanê Şehbaz Şerîf axifî.
"Tî çareserîyeke ku ji vîn û alîkarîyên welatên herêmî hêzê negire, nikare mayînde be," wî got.
Tirkîye, ku endameke NATO’yê ye û cîranê Îranê ye, gelek caran Îsraîl bi hewla têkbirina peymana Amerîka û Îranê ya bi navbeynkarîya Pakistanê tawanbar kiriye û operasyonên Îsraîlê yên li Xezayê, Lubnan û Sûrîyê şermezar kiriye.
"Em hewlên rêveberîya Îsraîlê yên jibo dînamîtkirina peymanê (ya Amerîka û Îranê) ji nêz ve dişopînin... Divê destûr neyê dayîn ku hikûmeta Îsraîlê ya niha ya şerxwaz erdnîgarîya me dîsa di bêhna xwîn û barûtê de bifetisîne," serokê Tirk got.
Rayedarên Îsraîlê jî pir caran rexne li Tirkiyê giritne ku serokê Tirkiyê Erdogan û dewleta Tirkiyê "terora" li herêmê bi taybet çekdarên weke Hemas û Hizbullahê destek dike û êrîşên wan yên çekdarî ji bo ser sivîlên Îsraîlê rexne nake.