Serokomarê Tirkîyê Recep Tayyîp Erdogan beşdarî li merasîma sondan ya parlamanterên nû kir.
Erdogan ji alîyê serokê demkî yê parlamanê Devlet Bahçelî û sekreterê meclîsê Mehmet Alî Kumbuzoglu ve bi merasîma fermî hat pêşwazî kirin.
Serokê Partîya Gel ya Komarî (CHP) Kemal Kiliçdaroglu, Wezîrê Ragihandinê Fahrettîn Altun, Serokê Partîya Dad û Pêşveçûnê (DEVA) Alî Babacan û Serokê Partîya Saadetê Temel Karamollaoglu jî li merasîmê hazir in.
Dema Erdogan derbazî cîhê xwe yê li parlamanê bû endamên CHP û Partîya Çep ya Kesk ranebûn ser xwe.
Erdogan li kêleka serokê berê yê parlamanê Mustafa Şentop rûnişt.
Seroka Partîya Baş Meral Akşener û Serokê Partîya Siberojê Ahmet Davutoglu beşdarîya merasîma sondxwarinê nekirin.
Di parlamana 28’an ya Tirkîyê de piranî bi 323 parlamanteran di destê Hevpeymanîya Gel de ye ku pêşengên wê Partîya Dad û Pêşvebirinê (AKP) û MHP ne.
Hevpeymanîya Gel ya ku partîyên wek Partîya Gel ya Komarî (CHP) û Partîya Baş têde ne bi 212 parlamanteran li meclîsê ye.
Hevpeymanîya Ked û Azadîyê ya bi rêberîya Partîya Çep ya Kesk jî bi 65 parlamanteran wê li parlamanê be.
Jêder: VOA, NTV