Serokê Tirkîyê Recep Tayyîp Erdogan îro Çarşemê dîyar kir ku Îsraîl "dewleteke terorîst e" ku li Gaza tawanên şer pêk tîne dike û qanûnên navneteweyî binpê dike.
"Îsraîl bi hovîtîya bombekirina sîvîlên ku bi zorê ji malên wan derxstine, dema ew koç dikin , karanîna bi rastî ya terora dewletê ye. Ez niha bi dilê xwe rehet dibêjim ku Îsraîl dewleteke terorê ye."
Serokê Tirk anî ziman ku operasyona leşkerî ya Îsraîlê ya dijî koma milîtanên Filîstînî Hamasê de, bi êrîşên herî xayîn yên di dîroka mirovahîyê, bi piştgirîya bê sînor ya Rojava pêk tê.
"Emê ti carî ji dîyarkirina rastîyê fedî nekin, tenê jiber ku hin kes pê kêfxweş nabin. Endamên Hamasê şervanên berxwedanê ne, yên ku dijî polîtîkayên dagirkerîyê ax, namûs û jîyana xwe diparêzin," wî got.
Erdogan herwiha bo darizandina rêberên Îsraîlî jiber tawanên şer li Dadgeha Tawanên Navnetewî (ICC) bang kir .
Wî bang li serokwezîr Benjamin Netanyahu kir ku ragihîne ka Îsraîl xwedî çekên navokî ye yan na û got ku Netanyahu wê di demek nêz de ji posta xwe "dakeve".
Erdogan ragihand ku kêşeya di navbera Îsraîl, dewleteke Cihû û Filîstînîyan de, dişibe şerê navbera cîhana Xiristiyan û Misilmanan û got ku şerê li Gaza "mijara xaç û heyvê ye".
Serokê Tirk anî ziman ku Enqere wê gavan bavêje da ku rûniştvanên Îsraîlê yên li herêmên Filîstînê yên dagirkirî wek "terorîst" werin naskirin.
Wî hevdem nêrîna xwe û helwesta Tirkîyê dubare kir ku Hamas ne rêxistineke terorîst e, lê partîyeke sîyasî ye ku di hilbijartinên borî de bi serketiye.
"Rojava, yan bi navkirin Amerîka, mixabin hê jî vê li mijarê şaş dibîne," Erdogan got.
Brîtanya, Amerîka, welatên Yekîtîya Ewrupa (YE) û hin dewletên Ereb, berevajî bi Tirkîyê, Hamasê weke komeke terorîst dibînin.
Enqere herwiha mazûvanîya hin endamên payebilind yên Hamasê dike û berevanîya çareserîya du dewletî dike.
Erdogan ev rexneyên tund yên dijî rêberên Îsraîlî û piştgirên wan li Rojava tenê du roj berîya serdana xwe ya Almanya ragihand.
Serdana Erdogan ya Almanya wê bibe serdana wî ya yekê bo welatekî Rojavayî, piştî ku Îsraîlê di 7’ê Cotmehê de wek bersîvdana êrîşên Hamasê dest bi bombebarankirina Gaza kir.
Almanya ser şerê li Gaza bi Îsraîlê re piştvanîye xurt dîyar dike û hevdem bal bikişîne ser sînordarkirina bandora operasyonên leşkerî ser xelkê sivîl yên li Gaza.
Serokwezîrê Almanya Olof Scholz jî ku wê li Berlînê mazûvanîya Erdogan bike, do Sêşemê gotara Erdogan ku Îsraîlê bi faşîzmê tawanbar kiribû, wek "neaqilane û pûç bi nav kir.
Jêder: Reuters