Lînkên eksesibilîtî

Li Afganistanê Dijî Konvoya NATO Êrîşeke Xwekuj Pêk Hat


Reuters’ê ragihand ku li Kabul ya Afganistanê dijî konvoyeke NATO êrîşeke xwekuj pêk hat.

Di êrîşa ku li nêzî Balyozxaneya Amerîka ya li Afganistanê qewimî de, 8 sîvîl mirin û 25 jî birîndar bûn.

Bi êrîşê, wesayîteke zirxî û gelek wesayîtên din yên wê kêlîyê li rê bûn zararên mezin dîtin.

Fermandarê Amerîka yê li Afganistanê Bill Salvin dîyar kir ku di êrîşê de, 3 karmendên balyozxaneya Amerîkî jî birîndar bûne.

Salvin da zanîn ku wesayîtên wan yên zirxî dijî êrîşên bombeyî saxlem in ku piranîya wan zarar nedîtine û vegerîyane avahîya balyozxaneyê.

Berpirsîya êrîşê hîn ti rêxistin negirtîye ser xwe, lê Talîban’ê ragihandibû ku ewê di mehên biharê de li dijî hêzên bîyan êrîşan li dar xîne.

XS
SM
MD
LG