Lînkên eksesibilîtî

Breaking News

YE Binavkirina Rûsya ya Dezgeha Medyayî Meduza wek ‘Ajanseke Biyanî’ Red Dike


Yekîtîya Ewrupî îro Şemîyê binavkirina Rûsya ya ajansa nûçeyan ya serbixwe Meduza wek” ajanseke biyanî” red kir û got ku bendkirina Rûsya ya wê, pêgirîyên Rûsya yên navnetwî û mafên mirovan binpê dike.

Binavkirina ku roja Înê derket daxwazê ji Meduza dike ku xwe wek ajanseke biyanî bide naskirin û bi vî şêweyî ew dê bêhtir bikeve bin çavdêrîya hikûmetê.

Meduza, ku di sala 2014an li Latvia ji aliyê Galina Timchenko ve hatibû damezrandin, ew nûçeyan bi Rûsî û Înglîzî li ser internet belav dike.
Peyvdarekî serokê siyaseta derve ya Yekîtîya Ewrupî Josep Borrell di daxuyanîyekê de got:

“Em biryaran desthilatdarên Rûsî red dikin li dor danîna dezgeha medyayî Meduza di nav lîsta ajansên biyanî de.”

Wî got:

“Cihê xemên mezine ku desthilatdarên Rûsya berdewam bin di bendkirina platformên medyayî yên azad û rojnamevan û kesayetîyên din yên medyayî de. Ew li dijî pêgirîyên Rûsya yên navnetewî û mafê mirovan e.”

Şîroveyan bibîne

XS
SM
MD
LG