Bi vexwendina Mala Êzîdîyan li Amûde, hejmareke mezin ji Êzîdîyên Kantona Cizîrê li pêş avahîya Neteweyên Yekbûyî (UN) li Qamişlo kom bûn û êrîşa artêşa Tirkî ya ser Efrînê şermezar kirin.
Xwepêşanderan nameyek radestî UN kir ku tê de daxwaza parastina Êzîdîyên Efrînê kirin ku berî operasyona Tirkîyê li 28 gundan dijîyan.
Nûnerên Êzîdî dîyar dikin ku bi sedema operasyona Tirkîyê û hevalbendên wê, piranîya Êzîdîyan neçar bûn ku cihên xwe bihêlin û herin herêmên Şahba, Cizîrê û Kobanê.
Ew herwiha didine zanîn ku Êzîdîyên ku nikarîbûn birevin, di bin giwaştina komên tundrê de ne ku herin mizgeftê û bibin misilman.