Parlemana Britanî bi yekdengî biryar da ku kiryarên rêxistina tundrê DAIŞê yên ser Êzîdî û Krîstîyanan wek jenosîd anku tevkujî bi nav bike.
Tevî hewlên astengkirina hikûmete Britanî, qanûndanêran bi temamîya dengan qebûl kir ku kiryarên hember civata Êzîdî û Mesîhî jenosîd in û ew kiryar şermezar kirin.
Parlemanterên Britanî biryar dan ku mijara tevkujî bişînin pêş Civata giştî ya Neteweyên Yekbûyî.
Hêjayî balkişandinê ye ku cara yekê ye hemî parlemanter hevbîr dibin ku kiryarên nav şerekî, bi tevahîya dengan wek tevkujî bipejîrînin.
Hikûmeta Britanî hewleke mezin da ku rê li ber qanûndanêran bigire ku kiryarên DAIŞê yên hember Êzîdî û Mesîhîyan wek jenosîd bi nav nekin.
Berê jî Kongresa Amerîka, rêvebirîya Obama, Parlemana Ewrupî û Konseya Ewrupî kiryarên hovanê yên li ser civata Êzîdî wek jenosîd bi nav kiribûn.