Pitir ji heşt mehan piştî hilbijartinên Adarê, aliyên siyasî yên Îraqî gehiştin rêkeftinekê jibo dabeş kirina postên serokwezîr û serok komar û serok parlemanî.
Her wiha çaverê dihête kirin, piroseya destnîşan kirina wezîrên kabîneya hikûmeta nû ya Nûrî Malikî jî pir asteng be. Pêdiviye serokwezîr, li demê 30 rojan piştî destnîşan kirina wî bi fermî, navê endamên kabîneya hikûmetê bidete parlemanî.
Di hevpeyvînekê de ligel Dengê Amerîka, Fehîm Ebdullah, berpirsê Dezgehê Xanî jibo Rewşenbîrî û Ragihandinê li Dihokê, dibêje renge piroseya destnîşan kirina postên wezîran li 30 rojan dirêjtir be, jiber ku li demê pêkanîna hikûmeta nû pêdiviye hemî partiyên siyasî û pêkhatin Îraqî bihêne razî kirin.
Jibo guhdarî kirina hevpeyvîna hevkar Ahmed Barzanî bi birêz Fehîm Ebdullah re, lînka ‘Guhdarî kirin’ kilik bike.
