Yekîtîya Jinên Ciwan ya Kantona Efrînê, Mihrîcana Şehîd Stêrvan ya Jinên Ciwan ya salane li dar xist.
Mihrîcanê di bin dirûşmeya “Ax û rûmeta xwe biparêzin, dagirkerîyê û DAIŞ’ê têk bibin" de hate kirin û sê rojan dom kir.
Di festîvalê de çalakîyên hunerî, çandî û sporê hatin pêşkêş kirin.
Endama Yekîtîya Jinên Ciwan Asma Husên got ku roja yekê hunerî bû û endamên kevana zêrîn pê rabûnê.
“Di roja duyê sporî bû ku tê de maçên futbolê, bez, pîngpong û şatrenc pêk hatin û di roja dawî de jî şano û tabloyên wêneyan hatin pêşandan.”
Di her sê rojên mihrîcanê de jimareke komên hunerî yên jinên ciwan derketin ser dikê û stran, govend û herwiha şano pêşkêş kirin. Her di nav çalakîyên mihrîcanê de tîmên sporê jî hatin hember hev.
Rojîn Mihemed ser coşa çalakîyan got ku pêşbirkên hunerî û sporê moralê wan bilind kir.
Jinên ciwan anku keçên nûhatî bi kêfxweşî beşdarî mihrîcanê bûn û ew bi erênî nirxandin.
Berfîn Bîlal got ku Efrîn hate bîra wan û ew wek jinên ciwan bi moralên bilind tevlê bûn û hêvîyên vegera Efrînê di nav wan de geş bûn.
Hêjayî bi bîr xistinê ye ku mihrîcana jinên ciwan li Efrînê pêk dihat, lê piştî êrîş û destdanîna Tirkîyê ser herêmê û koçberîya gelê Efrînê, Yekîtîya Jinên Ciwan li Şehba xwe jinûve rêxistin kir û mihrîcana xwe li dar xist.
