Lînkên eksesibilîtî

Breaking News

Hakan Fîdan ji Swêdê Dixwaze ku jibo Endamtîya li NATO Gavên Berbiçav Biavêje


Wezareta Derve ya Tirkîyê ragihand ku wezîrê nû Hakan Fîdan û hevtayê wî yê Swêdî Tobias Billstrom bi rêka telefonê axifîne.

Wezaretê got ku Billstrom jiber karê Fîdan yê nû ew pîroz kir û Fîdan jî ji Billstrom xwest ku bo endamtîya li NATO divê Swêd gavên berbiçav biavêje.

Fîdan û Billstrom li hev kiriye ku ew danûstandinên ser endamtîyê bidomînin.

Swêd û Fînlandîya piştî şerê Rûsya û Ukrayna serî li NATO dan ku bibin endama hevpeymanîya NATO.

Serlêdana Fînlandîya hat pejirandin û ew bû endama 31’an ya hevpeymanîyê, lê ya Swêdê hîn nehatiye pejirandin.

Tirkîye îdia dike ku Swêd jibo komên terorê mazuvanîyê dike û dixwaze Stockholm dijî wan tedbîrên berfireh bistîne.

Jêder: Gazete Duvar

XS
SM
MD
LG