Serokê Fransa Emmanuel Macron, pêşwazîya biryara Îranê kir ku heta agirbest bidome dê Tengava Hormuzê vekirî bimîne û ev yek wekî “gaveke di rêya rast de” bi nav kir.
Daxuyanîya Macron di konfranseke rojnamevanî de hat, piştî ku welatê wî û Brîtanya serokatîya civîneke hevbeş ya nêzîkî 40 welatan derbarê mijar Tengava Hormuzê kirin.
Ew civîn bi wê armancê hate lidarxistin ji bo şandina peyamekê bo Amerîka ku hin ji hevalbendên wê yên herî nêzîk amade ne di azadîya keştîvanîyê de li Tengava Hormuzê rolekê bilîzin.
Serokê Amerîkayê Donald Trump îro Înê ragihand ku Tengava Hormuzê bi tevahî hatiye vekirin.
Wezîrê Derve yê Îranê Ebas Araqçî jî diyar kir ku tengava stratejîk hatiye vekirin û dê bi dirêjahîya agirbesta di navbera Amerîka û Îranê de vekirî bimîne.
Hefteya bê dê kombûnek li Londonê jî derbarê mijara Tengava Hormuzê were lidarxistin.