Jêderên xwecîhî dibêjin ku şerê navbera Îsraîl û Hamasê de roja Duşemê li seranserî Gazayê tundtir bûye.
Neteweyên Yekbûyî di dawîya hefteyê de xema xwe dîyar kiribû ku bi zêdebpna şer û têkçûna aramîya giştî, koçkirina girseyî ya Filîstînîyan ya ber bi Misirê ve zêde dibe.
Kerta Gaza ji destpêka şer û pevçûnan berî du mehan vir ve di bin dorpêçeke xurt ya Îsraîlî de ye û sînorê bi Misirê re tekane rêya derketina derve ye.
Piranîya 2.3 mîlyon Gazayî ji malên xwe derketine û ew dibêjin ku ne pêkan e penagehek li devera dorpêçkirî ya qerebalix were dîtin.
Karbidestên Filîstînî dibêjin ku heta niha dora 18,000 kes hatine kuştin û pevçûn dijwar bûne.
Ji dema têkçûna agirbesteke hefteyî ve, Îsraîlê hefteya borî êrîşeke bejayî li başûr destpê kir û ji wê demê ve ji rojhilatê ve ber bi navenda bajarê mezin Xan Yûnisê ve û balafirên şer êrîşî devereke li rojava kir.
Roja Duşemê, mîlîtanan û hin rûniştvanan got ku şervan rê nadin tankên Îsraîlî ji nav bajêr ve ber bi rojava ve herin.
Herwiha pevçûnên dijwar li beşên bakurê Gazayê qewimîn ku Îsraîlê got erkên wê bi piranî li wir temam bûne.