Wezareta Derve ya Amerîka ragihand ku wezîrên derve yên endamên koalîsyona dijî DAIŞ’ê, bo kordînekirina şerê dijî wê rêxistina tundrê, hefteya were wê li Washingtonê bicivin.
“Welatên Yekbûyî bi biryar e ku piştî vekişîna ji Sûrîyê jî, rê nede vejîna DAIŞ’ê li Sûrîyê û Îraqê û pêgîr e ku ligel endamên Koalîsyona Gerdûnî bo bi temamî tunekirina DAIŞ’ê bixebite,” Wezareta Derve bi daxuyanîyeke nivîskî got.
Wezîrê Derve yê Amerîka Mike Pompeo wê mêvandrarîya civîna yekrojî bike ku li ber e di 6’ê Şubatê de were kirin.
Di Koalîsyona Têkbirina DAIŞ’ê de ku Amerîka di sala 2014’an de damezrandibû, 79 dewlet cîh digirin.