DAIŞ îro Çarşemê bi hawanan êrîşek giran bir ser taxên Kurd yên bajarê Hesekê.
Di heman demê de trombîlekê xwekujî ya bombekirî jî hate xebitandin û ajotkjar ew li nêzîkî ser navenda giştî ya Asayîşê li wî bajarî.
Berdevkê Giştî yê Asayîşa Rojavayê Kurdistanê, Mihemed Xelo ji Dengê Amerîka re ew êrîş şîrove kir:
"Plana DAIŞ ew bû ku trombîla xwe bipeqîne û rê ji xwe kujeran re veke ku derbasî hindurê navendê bibin. Lê, di encama bersîva Asayîşê û bi hişyarîya wan, êrîş têk çû û êrîşkar hat kuştin û 2 xwekujer bi saxî hatin dîl girtin. "
Li gor agahîyên pêşîn, di êrîşan de endameke Asayîşê ya jin jîyana xwe ji dest da û 2 kesên din jî birîndar bûn.
Di êrîşên hawanî ya ser taxan sîvîlan de, li gor peywendîyên Dengê Amerîka 4 sîvîl hatin kuştin û 11 kesên din jî birîndar bûn .
Rojnamevan Xalid Omer li bajarê Hesekê piştrast kir ku 50% ji taxên Salihîyê û Miftî hat vala kirin.
