Lînkên eksesibilîtî

Breaking News

Betal Kirina Destûrnameyên HDPê li Wanê Tê Şermezar Kirin


Protestoya gelê Wanê li dij betalkirina destrûrnameyên HDPê

Li Wanê piştî daxwaznameyên hevşaredarên HDP’ê yên bajarokên Artemêt (Edremît), Ebex (Çaldiran) û Tuşbayê hatin betal kirin, HDP û hin sazîyên civaka sivîl bi daxuyanîyan ev yek şermezar kirin.

Protestoya gelê Wanê li dij betalkirina destrûrnameyên HDPê
Protestoya gelê Wanê li dij betalkirina destrûrnameyên HDPê

HDP’ê xwest ku li parka Feqîyê Teyran a li navenda bajar daxuyanîyê bide, lê polîsan bi sedema biryara qedexeya walîtîyê destûr neda û jiber vê yekê endamên partîyê li ber avahîya HDP’ê li hev civîyan.

Parlamantera HDP’ê ya Wanê Muazzez Orhan got ku hikûmeta AKP’ê, di hilbijartinan de têk çoye û bi rêbazên nehiqûqî dixwaze têkçûyîna xwe bide veşartin.

“YSK’ê îradeya gelê me binpê kirîye. Em li bendê ne YSK li gorî rêgezên xwe û qanûnên makezagonê tevbigere û vê biryara xelet betal bike. Emê heta ku mafê xwe dest bixin, têkoşîna xwe ya rewa berdewam bikin.” Got, Muazzez Orhan.

Li alîyê din, Konfederasyona Kedkarên Civakî (KESK) û Beşa Wanê ya, Yekitîya Odeyên Mîmar û Endezyaran a Tirkîyeyê (TMMOB) jî bi daxuyanîyan heman rewş şermezar kir. Sazîyan daxwaz kirin ku bi demildest YSK biryara xwe betal bike û destûrnameyan bide xwedîyê wan.

please wait

No media source currently available

0:00 0:03:07 0:00

Nêrîna Te

Şîroveyan nîşan bide

XS
SM
MD
LG