Hêzên Sûrîya Demokratîk (HSD) û hêzên hevpeymanîya navneteweyî ya bi pêşengîya Amerîka îro Şemîyê li gelek deverên bakurê rojhilata Sûrîyê gerên nobedarîya hevbeş pêk anîn; roja duyê ya li ser hev.
Hêzên Sûrîya Demokratîk (HSD) û hêzên hevpeymanîya navneteweyî îro gerên nobedarîya hevbeş pêk anîn, ji bingeha xwe ya li Rumeylanê heya bajarokên gundewarê Dêrikê û ber bi firokexaneya "Rubaria" ve, ku nêzîkî sînorê bi Tirkîyê re ye.
Li deverên Til Koçer, gundewarên Til Hemîs û rêya ku diçe Yerubiye/Tal Koçer li ser sînorê Sûrîyê û Îraqê do Înê jî gerên hevbeş hatin kirin; di çarçoveya bernameya asayî ya ku bi hemahengî hatiye kirin de.
HSD’ê rawestandina gerên nobedarîya xwe yên hevbeş yên ligel hevpeymanîya navneteweyî ragihandibû û gotibû ku jiber êrîşên Tirkîyê ew neçar mane ku gerên nobedarîya hevbeş yên ligel hevpeymanîya navneteweyî yên dijî Dewleta Îslamî (DAIŞ) bisekînînin;heta dema amadekirina nûçeyê.
Hêjayê gotinê ye ku heya niha her du alîyan jî di derbarê destpêkirina gerên nobedarîya hevbeş yên dijî DAIŞ’ê daxuyanîyeke fermî nedane.