Dr. Bilal Ehmed Wahab yek ji lêkoler û şîrovekarê siyasî yên ku li paytexta Amerîka, Washingtonê tê naskirin bi lêkolîn û xebatên xwe yênm siyasî di derbarî rewşa Kurdan û Rojhilata Navîn û Amerîka.
Lê ji bilî van xebatên wî yên zanistên siyasî, ew hunermendê xweşnivîsê ye, û ji zaroktiyê ve di dema ku penaber bû li Îranê , û li ser destê mamostayekî fêrî bengehên serekî yên xweşnivîsînê bû, lê ji ber bengeha malbata wî ya zanistî , wî berê xwe da xwendina akadimî û ev behreya xwe ya hunerî paşguh kir, ta dema pandamiyê, wî dîsanê dest bi vê hunerê kir û bi dilgermî vegeriya wê û ta nuha li ser dixebite.
Ew dibêje: "Xweşnivîsîn, wateya gotinê û ciwaniya wê diyar dike."
Tevî ku ew bi şev û rojan di nav xircira siyasetê de ye, lê belê ew bawer dike ku bi hunerê mirov dikarin zûtir bighêjin armancên xwe û xelkên cuda nêzîkî hev bibin.
Ta nuha tu pêşangeh li darnexistiye, lê ew hêvî dike derfet bibe da ku vê hunera rojhilatî bi welatiyên amerîkî re parveke û ciwaniya wê jî bi wan bide naskirin.
Dr. Bilal Wahab li Enstîtuya Washingtonê ya Siyaseta Rojhilata Nêzîk dixebite wek hevkarê payebilind . Berê li zanîngeha Amerîkî ya Îraqê li Silêmaniyê mamostetî dikir. Bîlal li Kurdistana Îraqê mezin bû û li wir bawernameya wêjeyê wergirt.
Li Amerîka xwendina masterê û doktorayê wergirt. Ji ber çalakiyên malbata wî ji bo mafên Kurd li Îraqê, 5 sal li kampên penaberiyê ên li Îranê penaber bûn û wî zarokatiya xwe li wir derbas kir. Nuha li Amerîka eyaleta Virginia ya Amerîka dijî û li Washingtonê jî dixebite.
