Hayhat Abbas, mamosta bîrkariyê û hunermenda şêwekar ji eyaleta Arîzona ye. ji sala 1990 li Amerîka dijî. Bi xwe ji gundê Nesran e yê bi ser Qamşlo ve ye, li zanîngeha Dîmeşqê beşê endazyariya elektiîkê xwend ku ew dema yekem jina kurd bû vî beşî dixwîne.
Hayhat di nav malbatek kurdperwer û zana de mezin bû ku rê li ber wê vekirin ji bo xwendin û jiyanê.
Li Eylata Arîzona , Hayhat serpereştiya komlgeha kurdan kir, di heman demê de jî beşdarî tomarkirina vîdyonên fêrkirina zimanê kurdî bû ji bo zanîngehên Amerîkî.
Ji ber kar û xebatên Hayhat ew di nav bera Almaniya û Amerîka de dijî.
Di çend salên dawî de, Hayhat berê xwe da şêwekariyê û guhdan pê kir, û dest bi berhemînana tabloyan kir.
Ew dibêje : "Huner ji bo min, şêwazek asan û xweş e ji aliyê derûnî û ya din jî bo diyarkirina derbirîniyên taybet di derbarî jiyan û mirovan de."
Wê huner nexwendiye lê bi rêka YouTube û lêpirsîna taybet ew fêrî teknîk û şêwazên hunerî bûye.
Berhemên şêwekar Hayhat Abbas