Rêxistina Hengaw ya mafên mirovan îro Duşemê radigihîne ku karbidestên Îranê cezayê darvekirinê li dijî 4 girtîyên sîyasî yên Kurd li girtîgeha Qizilhesar ya Karacê bi cîh anî.
Muhsîn Mazlum, Peyman Fetehî, Vefa Azarbar û Hacîr Feramerzî di 22’yê Hezîrana 2022’an de li Urmiyê hatibûn girtin û ji wê demê ve di derbarê wan de ti agahî nehatibû girtin.
Rêxistinên mafê mirovan bang li civaka navnetewî dikirin ku darvekirina girtîyên Kurd rawestînin û hember darvekirinên bê sedem yên li Îranê bersîvdaneke xurt bidin.
Mazlum, Fetehî, Azarbar û Feramerzî ji alîyê Şaxê 26’an ya Dadgeha Şoreşê ya Tehranê ve bi tawanên dijmintîya xwedê û bi sîxurîya bo Îsraîlê bi darvekirinê hatibûn ceza kirin.
Çavdêrên herêmî bawer dikin ku rejîma Îranê bi armanca pêşîgirtina protestoyan sêdarekirinê bi kar tînin û bi vî awayî dixwazin di nava civakê de tirsê belav bikin.
Jêder: Hengaw