Wezîrê niftê yê Îranê dibêje kompaniyeke niftê ya dewleta Çînê ji rêkeftineke vewejandina zeviyeka gaza xwezayî ya li gel Îranê vekişiya.
Kompaniya Total a Frensî jî berî demekê ji vê rêkeftinê vekişiyabû.
Ajansa nûçeya a wezareta niftê SHANA axaftina Bijan Zengeneh îro Yekşemê ragihand.
Zangeneh got wê Îran bi tenê xwe zeviya niftê ya Başûrê Pars pêş bixe.
Zangeneh sedema vekişîna Çînê diyar nekir û berpirsên Bêjîn jî hîn ti axaftin di vê derbarê de nekirine.
Rêkeftina Başûrê Pars a 20 salan hatibû imzekirin piştî rêkeftina sala 2015an di navbera Îranê û hêzên mezin ên cîhanê de.
Piştî vekişîna Amerîka ji rêkevtina navokî û sepandina cezayan li dijî Îranê, kompaniya mezin a Frensî Total jî ji rêkeftinê vekişiya.
Tê zanîn, Çîn di nava şerekî bazirganî de ye li gel Amerîka.