Encûmena Wezîrên Encûmena Hevkarîya Kendavê (GCC) îro Çarşemê bi zimanekî tund êrîşên Îranê li ser Behreyn, Kuweyt û Urdunê şermezar kirin.
GCC êrîşên Îranê wekî "kiryarek êrîşkar a eşkere" li dijî serwerîya dewletan, ewlehîya gelên wan û yekparçeya axa wan binav kirin.
Wê herwiha got ku ev êrîş binpêkirineke qanûna navneteweyî, Peymana Neteweyên Yekbûyî û prensîbên têkilîyên cîrantîya baş in.
Di dawiya civîna xwe ya li paytexta Behreynê, Manama, GCC Îran "bi tevahî berpirsyara van kiryaran û bandorên wan ên giran li ser ewlekarîya herêmî, keştîvanîya navneteweyî û dabînkirina enerjîyê" dît.
Encûmenê herwiha daxwaza rawestandina bilez a van êrîşan û bidawîanîna her armancgirtina welatên Kendavê, berjewendîyên wan û welatîyên wan kir.
GCC herwiha bang li Civata Ewlekarîyê ya Neteweyên Yekbûyî kir ku berpirsyarîyên xwe bi şermezarkirina vê êrîşkarîyê û lêpirsîna sûcdaran bigirin.
GCC civîna xwe di demekê de pêk anî ku Behreyn, Kuweyt û Urdunê rastî êrîşên Îranî ên cuda hatin.