Rêxistinên mafên mirovan dibêjin ku di dema salekê de bêtirî 4,000 kes li Îranê ji alîyê hêzên ewlekarîya rejîmê ve hatine girtin.
Ajansa Nûçeyan a Çalakvanên Mafên Mirovan a Îranê (HRANA) îro Çarşemê ragihand ku di navbera 29'ê Adarê 2025 û 19'ê Nîsanê 2026 de herî kêm 4,023 welatî ji alîyê hêzên ewlekarîyê ve hatine girtin.
HRANA ragihand ku ji destpêka şer û pevçûnên leşkerî yên di navbera Îran, Amerîka û Îsraîlê de, prosesa biryardan û cîbicîkirina cezayên darvekirinê di dozên siyasî û ewlehîyê de zêde bûye û heta niha 37 welatî hatine darvekirin.
Li gor raportê, hevdem ligel şerê di navbera Amerîka, Îsrael û Îranê de, rejîma Tehranê rewşa ewlekarîyê li welêt tundtir kiriye.
Raportê diyar kir ku di vê heyamê de, girtin û tawanbarkirinên welatîyan bi “sîxurî” û “kiryarên li dijî ewlekarîya neteweyî” zêde bûne.
HRANA da zanîn li Îranê astengkirinên berfireh li ser azadîyan û givaştinên ewlekarî zêde bûne.
Raportê herwiha nîşan da ku piranîya van dozên li dijî girtîyan bi tawana peywendî û hevkarîyan ligel ajansên ragihandinê yên biyanî hatine vekirin.