Wezareta Karên Derve ya Kuweytê roja Sêşemê balyozê Îranê gazî kir û yadaşteke tund a protestoyê radestî wî kir, ji ber êrîşa li ser keştîyeke petrolê ya Kuweytê di dema derbasbûna ji tengava Hormuzê de derbas dibû.
Di encama wê êrîşê de çend endamên tîma wê keştîyê birîndar bûn.
Wezaretê di daxuyanîyekê de diyar kir ku "Êrîşa zêdebûyî ya Îranê li dijî Kuweytê ji 28'ê Sibata 2026an vir ve, tevî daxuyanîyên provokatîf ên ji alîyê Îranê ve hatine dayîn, binpêkirineke eşkere ya serwerî, yekparçeyîya xakê û berjewendiyên dewleta Kuweytê ye, gefê li ewlehî û azadîya keştîvanîya navneteweyî dike, û binpêkirina yasaya navneteweyî û Peymana Neteweyên Yekbûyî ye."
Kuweytê daxwaza xwe ji Îranê nû kir ku demûdest êrîşên xwe rawestîne, û tekez kir ku mafê wê heye hemû gavên pêwîst bavêje, û "berpirsyarîya tevahî ya vê êrîşê û destdirêjîya wê ya berdewam a li ser Dewleta Kuweytê" xist stûyê Îranê.