Rêberên Ewrupî bi daxuyanîyeke hevbeş îro Pêncşemê gefên Îranê bi tundî red kirin ku jinûve destpêkirina programa navokî kiribû.
"Em hemî cure gef û ultîmatuman red dikin û emê ji nêz ve pêbendbûna Îranê ya bi peymana navokî ya bi hêzên cîhanê bişopînin," Yekîtîya Ewrupa û wezîrên derve yên Brîtanya, Fransa û Almanya di daxuyanîya hevbeş de got.
Serokê Îranê Hesen Ruhanî roja Çarşemê gotibû ku Tehran plankarîya rakirina astengên pêş bernameya xwe ya navokî dike û ji peymana navokî derkeve.
“Îran wek bersîvdana toleyên nû dê dest bi dewlemendkirina uranyumê bike, ger hêzên cîhanê di nav 60 rojan de Îranê ji wan tole û cezayên nû neparêzin,” Ruhanî gotibû.