Wezîrê Derve yê Îraqê Fûad Hisên di hevdîtinên cuda de îro Seşemê li Ammanê bi wezîrên derve yên Misir û Urdunê re rewşa herêmê, hewldanên ji bo vekirina Tengava Hormuzê û pêşxistina hevkarîyên enerjîyê gotûbêjkir.
Di hevdîtina wî bi Bedir Ebdulatî wezîrê Derve yê Misrê re, herdu alîyan girîngîya pêşxistina têkiliyên Îraq û Misir û berfirehkirina hevkarîyê di warên enerjîyê, elektrîkê û projeyên hevpar de tekez kirin.
Di hevdîtina wî ya bi wezîrê derve yê Urdunê Eymen Sefedî re jî, projeya borîyê ya neftê ji Îraqê bo bendera Eqebe û girêdana elektrîkê di nav mijarên sereke de bûn.
Herwiha, rewşa herêmê û hewldanên ji bo vekirina Tengava Hormuzê hatin gotûbêjkir. Îraq û Urdun girîngiya diyalog û dîplomasiyê û berdewamkirina koordînasyona Erebî û herêmî ji bo ewlehîya û aramîya herêmê tekez kirin.
Hisên her wiha siyaseta hikûmeta Îraqê ya komkirina çekan di destê dewletê de wekî yek ji pêşînîyên sereke yên hikûmetê destnîşan kir.