Lînkên eksesibilîtî

Breaking News

Artêşa Îraqê: 2 Mûşek Ketine Nava Herema Kesk


Dîmeneke ji herema Kesk (Green Zone) ya li Bexdayê

Artêşa Îraqê îro Yekşemê dîyar kir ku du mûşek ketine nava Herema Kesk (Green Zone) ya li paytext Bexdayê û bûye sedema zararên madî.

Hevdem, artêşê got ku di encama êrîşê de ti zararên canî çênebûye.

Li Hereme Kesk balyozxaneya Amerîka û balyozxaneyên din, û sazîyên hikûmeta Îraqê hene û ji hêla ewlekarîyê heremeke gelek parastîye.

Hate ragihandin ku mûşekekî ji alîyê sîstema parastinê ya C-RAM ya balyozxana Amerîkayê ve hatiye têk birin.

Her wiha, arteşê da zanîn ku mûşeka din li nêzî peykereke niştimanî ketiye û

du otombîlên sivîl zarar ditîne.

Hêzên ewlehiyê yên Îraqê di derbarê bûyerê de lêpirsîn dane destpê kirin.

Ev Herema Kesk gelek caran dibe armanca êrîşên mûşekî û dronî yên ku karbidestên Amerîkî komên milîsên Îraqî yên bi piştgirîya Îranê tawanbar dikin.


XS
SM
MD
LG