Dezgeha Medyayî ya hikûmeta Îsraîlê Kan News roja Çarşemê ragihand ku du teknîsyenên hêza esmanî ya Îsraîlê li baregeha Tel Nof a nêzîkî Aşdodê bi tohmeta sîxurîya ji bo Komara Îslamî ya Îranê di operasyoneke dijî Tehranê de hatine girtin û lêpirsîn li wan hatiye kirin.
Li gorî rojnameya Jerusalem Post, du teknîsyenên ku li ser balafirên şer ên F-15 ên hêza esmanî dixebitin, bi radestkirina belgeyên têkildarî nexşeyên motorê û şandina wêneyên rûyê rahênerekî firînê, pratîkên ku li gorî qanûna leşkerî ya Îsraîlê qedexe ne, hatine tawanbarkirin.
Her wiha tê ragihandin ku ji wan hatiye xwestin ku agahdarîya li ser serokê berê yê fermandarîyê û wezîrê ewlehîya neteweyî yê Îsraîlê berhev bikin.
Kan News ragihand ku rayedar niha difikirin ka gelo sûcdarîyên li dijî yek ji teknîsyenan ji sîxurîyê bikin xiyanet an na.
Her behsa tê kirin ku guman li dor heşt leşkerên din ên baregehê hene ku renge ji çalakiyên herdu teknîsyenan haydar bûn, lê wan rayedar agahdar nekirin.
Di şerê dawî yê bi Komara Îslamî re, ku bû sedema mirina rêberên Tehranê, di nav de Elî Xamineyî, Îsraîl karîbû bi bandor serdestîya esmanî li Îranê bi dest bixe û ti balafirên wê yên şer li Îranê nehatin xistin.