Hêzên Berevanîya (IDF) di hesaba xwe ya X'ê de ragihand ku Mihemed Silêman Bîyok, ku wekî fermandarek di baskê leşkerî yê Hemasê de hate binavkirin, di operasyonekê de hatiye kuştin.
Li gorî IDF'ê, Bîyok di dema êrişên 7'ê Cotmehê de ketibû hundirê Îsraîlê û paşê li Xezayê di çalakîyên ku armanca wan danîna alavên teqemenî û zirardayîna leşkerên IDF'ê bûn, beşdar bû.
IDF'ê herwiha got ku ew di amadekirin û pêşdebirina êrîşên dijî sivîlên Îsraîlê û leşkerên IDF'ê de rol hebû û di çalakîyên ji bo nûavakirin û vegerandina şiyanên Hemasê de, ku IDF'ê wan wekî binpêkirina sistematîk a agirbestê binav dike, beşdar bûye.
Hêzên Berevanîya Îsraîlê her weha roja Yekşemê di platforma xwe ya X'ê de got, leşkerên IDF'ê kesek ku hewl dabû êrîşek bi otombîlê li ser leşkerên li herêma Xinêm pêk bîne, kuşt.
IDF'ê ragihand ku di bûyerê de tu ziayneke canî nebû û ti leşkerekî wê nehatine birîndarkirin.
Di heman demê de, piştî ku raporek li ser teqekirinekê li wargeheke Îsraîlê ya li herêma Neve Tzuf (Helamiş) derket, hejmareke zêde ji leşkerên IDF'ê ber bi herêmê ve hatin şandin û li dû kesê ku wekî tawanbarê êrişê hate nasîn, operasyoneke şopandinê dest pê kir. Li gorî daxuyanîyê, leşkeran li deverê astengî li ser rê danîn.