Lînkên eksesibilîtî

Breaking News

Berîtan Canozer: Rojnamevanên Jin Dibin Armanca Pirtir Êrîşan


Çalakîyek rojnamevanan bo azadîya ragihandinê (Enqere 15/ 02/ 2014)

Ber bi 3'ê Gulanê Roja Azadîya Ragihandinê, carek din rexistinên maf û rojnamevanîyê bal dikşînin ser rewşa rojnemavanên li Tirkîyê.

Di raporta Rexistina Rojnamevanên Bêsînor (RSF) ya “Îndeksa Azadîya Ragihandinê ya Cîhanê ya 2020'an de, Tirkîye di warê azadîya ragihandinê de, di nav 180 welatan de, di rêza 154’an de ye.

Berîtan Canozer
Berîtan Canozer

Raport destnîşan dike ku Tirkîye jibo rojnamevanan zindana herî mezin ya cîhanê ye û li gor Sendîkaya Rojnemavanên Tirkîyê (TGS) niha 84 rojnamevan girtî ne.

Rojnamevan Berîtan Canozer ya li Amedê, rojnemavanîya li Tirkîye ya 2019'an ji çavê rojnamevaneke Kurd û jin nirxand.

“Mîna her sal îsal jî bi zordarî û astengîyan derbaz bû. Erîşên dewletê li ser rojnamegeran her tim heye û em hest dikin. Wekî rojnamegerên Kurd ên ku li bajarên Kurdan dixebitin, em zêdetir rastî vê tên.”

Canozer bi bîr dixe ku îsal gelek hevalên wan hatine binçav kirin û girtin. “Ez jî yek ji wan kesan im. Niha li dervayê zindanê me, lê dozên hember min didomin. Her roj tiştekî nû derdixin ber min.”

Canozer bal dikşîne ku givaştinên ser rojnamevanên Kurd hîn dijwartir in.

“Dema rojnamevaneke Kurd bî, êrîş û astengî dû qat zêde dibin. Ew rastî li her derê derdikeve pêş me, lê dîsa jî em van astengîyan nas nikin. Li her derê, li her qadê em xebatên xwe dimeşînin, em dev ji rastîyê bernadin.”

please wait

No media source currently available

0:00 0:05:40 0:00
Direct link

XS
SM
MD
LG