Serokwezîrê Urdunê Ce'fer Hesan ragihand ku sazîyên dewletê kar li ser girtina tawanbarên êrîşa li ser Dêra Hemûd a li parêzgeha Kerek dikin, da ku cezayê xwe bistînin.
Di çarçoveya beşdarîya xwe ya di merasîma oxirkirina qurbaniyên êrîşê de roja Yekşemê, Serokwezîrê Urdunê sersaghîya hikûmetê gihand malbatên qurbanîyan û xelkê Kerekê, û daxwaza başbûna bilez ji bo birîndaran kir.
Kanal a fermî ya Mamlaka ji zarê Hesan veguhest ku, “Tundrewî, û ramanên tekfîrî di çil salên dawî de belav bûne.”
Wî bal kişand ser girîngîya berdewambûna hewildanan û zêdekirina wan ji bo nehêlana van ramanan ji kokên wan ve û got ku: “Ji bo van ramanan ne di vê welatî de û ne jî di vê civakê de cih tune ye.”
Serokwezîrê Urdunê diyar kir ku “têkoşîna li dijî tundrewîyê tenê şerekî ewlehîyê nîne, lê di heman demê de şerekî hişyarî û ramanê ye.” Wî herwiha hişyarî da ku fitne, nijadperestî û tundrewî yekbûna civakan û aramîya wan dixin metirsîyê.