Ajansa Mezopotamya ragihand ku nûçegihanên wê Semra Turan, Delal Akyuz, Tolga Guney li Îzmîrê hatin desteser kirin.
Dîsa, nûçegihana JINNEWSê Melîke Aydin, nûçegihanê Gazete Duvarê Cîhan Başakçioglu û xebatkara medya ya Partîya Wekhevî û Demokrasî ya Gelan (DEM Partî) Fatma Funda Akbulut jî hatine desteser kirin.
Ajansa Mezopotamya ji zarê parêzerên rojnamevanan ragihand ku rojnamevan bi ‘’endamtîya rêxistinê’’ têne tawanbar kirin û sînordarkirina ser dosyeyên wan didome.
Li gor ragihandina Ajansa Mezopotamya polîsan dest danîne ser materyalên dîjîtal yên rojnamevanan û ew kelepçeya ters hatine desteser kirin.
Parêzer dibêjin ku polîsan dema desteserkirinê serên Semra Turan û Delal Akyuz bi zorê dane xwar kirin û wêne girtine.
Çaverê ye rojnamevanên desteserkirî sibê Pêncşemê îfadeya xwe bidin.
Ji alîyê din ve Ajansa Mezopotamya radigihîne ku li Êlih, Şirnex, Wan û Amedê bi dehan kes hatine desteser kirin.
Sedema desterkirinan hîn eşkere nebûye.
Wezîrê Navxweyî yê Tirkîyê jî da zanîn ku li 22 bajaran 179 kes hatine desteser kirin.
Jêder: Ajansa Mezopotamya