Îro Krîstmis anku Noel e û bi mîlyonên mirovên seranser cîhanê dayikbûna Mesîh Îsa pîroz dikin.
Roja Krîstmis ji alîyê bawermendan ve wek rojeke olî û çandî tê pîroz kirin û gelek kesên ne Krîstîyan jî, vê rojê pîroz dikin.
Ev roja girîng li Amerîka û gelek welatên cîhanê wek roja behnvedana fermî ye, loma ofîsên hikûmetê, xwendingeh û herwiha firoşgeh girtî ne.
Di vê rojê de Amerîkî serdana hezkirîyên xwe dikin, lê îsal jiber pandemîya korona Navenda Kontrol û Pêşîgirtina Nexweşîyan (CDC) bi xurtî hemwelatîyan hişyar dike ku li malên xwe bimînin.
Dîsa, di vê roja taybet de bawermend ji hevdu re dîyarîyên hêja pêşkêş dikin û dayikbûna Mesîh Îsa bi awayê herî dilgeş pîroz dikin.
Krîstmis taybetî jibo zarokan rojeke girîng e jiber ku gelek ji wan li bendê ne Bavê Noel anku Santa Claus ji wan re dîyarîyên rengûreng bîne.
Em jî Krîstmisa hemî xwendevan, temaşevan û guhdarên xwe pîroz dikin.
Krîstmisa We Pîroz Be!