Wezareta Derve ya Mîrgehên Ereb ên Yekbûyî (Îmarat) êrîşên Îranê yên li ser Herêma Kurdistanê şermezar kirin.
Wezareta Derve ya Îmaratê îro Înê li ser platforma X'ê ragihand ku ev êrîşa “hovane, êrîşek e li ser serwerîya Îraq û Herêma Kurdistanê ye, û metirsîyeke mezin e li ser ewlehî û aramîya wan.”
Wezaretê diyar kir ku Îmarat bi tevahî piştgirîya Îraq û Hikûmeta Herêma Kurdistanê dike.
Serokatîya Herêma Kurdistanê jî îro Înê êrîşên li ser Herêmê şermezar kirin û got ku ev êrîş binpêkirina serwerîya Îraqê ne.