Wezîrê Derve yê Amerîkayê, Marco Rubio, di hevpeyvînekê de ya bi Fox News re got ku rejîma Îranê bi salan dirêjî bi gefên bê encam, peymanên bê wate û şikestî û bersivdanên lawa re rû bi rû bûye, lê bi hatina Serok Donald Trump re rewş guherî.
Rubio diyar kir ku Trump nehêla Îran hêza leşkerî ya kevneşopî ava bike ku bikaribe bernameya xwe ya navokî jî biparêze.
Rubio got, ev siyaset bû sedem ku şiyana leşkerî ya Îranê zêde lawaz bibe û zexta li ser Tehranê ji bo vegera ser maseya danûstandinan zêde bibe.
Di encama pirsa gelo Washington dikare Îranê bêyî guhertina rejîmê ji çekên navokî paqij bike, Rubio got, "Ez difikirim ku tiştê ku divê bibe ew e ku divê hikûmet biguhere, eger heta rejîm neyê guhertin jî, lê divê hikûmet biguhere."
Rubio, di demekê de ev gotin kirin, ku gotûbêjên li ser bernameya navokî ya Îranê û têkiliyên Washington û Tehran hîn jî tên berdewam kirin.