Piştî ku Serokwezîrê Tirkîyê jiber qirkirina Dersîmê lêborîna xwe pêşkêş kir, gotûbêjên li ser wê mijarê berfirehtir dibin.
Li piranîya televîzyon, rojname û malperên Tirkî de lêborîna Eredogan bi firehî cîh digire. Dîsa, ji alîyê civakê ve daxwaz ji Serokê Giştî yê Partîya Gel ya Komarî (CHP) Kemal Kilicdaroglu, ku bi xwe jî ji Dersîmê ye, tê kirin ku pênasînê bi berpirsîya CHP’ê ya di wê qirkirinê de bike.
Pişka Kurdî ya Dengê Amerîka ligel dîrokzan û lêkolkînêrê navdar Nacî Kutlay li ser vê babetê hevpeyvînek kir.
Birêz Kutlay dibêje, pêngaveke pir erênî ye ku Erdogan lêborîna xwe ya ser bûyerên Dersîmê da û divê Kurd piştgirîya vê peyvajoyê bikin ku rûpelên tarî yên dîrokê ron bibin.
