Parlamenta Iraqê îro Şemîyê Nîzar Amêdî wek serokê nû yê welêt hilbijart.
Di rûniştina parlamentê de, berbijarê Yekîtîya Niştimanî ya Kurdistanê (YNK) di gera yekem de 208 deng û di gera duyem de jî piranîya mezin a nêzîkî 90% bidest xist.
Hilbijartina Amêdî dawî li krîza siyasî ya bi mehan li Îraqê anî. Piştî van hilbijartinê, Îraq dê ber bi hilbijartina serokwezîr ve biçe, ku posteke girîngtir e.
Nîzar Amêdî yê 58 salî endamê Buroya Siyasî ya YNK'ê ye. Ji sala 2022 heta 2024'an, ew Wezîrê Jîngehê yê Îraqê bû. Di sala 2024'an de, ew bû serokê ofîsa Buroya Siyasî ya YNK'ê li Bexdayê.
Ew ji malbateke siyasî tê û li herêma Amêdîyê ya parêzgeha Duhokê ji dayik bûye. Berê wekî şêwirmendê sê serokkomarên Îraqê kar kiriye.
Amêdî herwiha beşdarî civînên kabîneyê yên bi Serokwezîr Mihemed Şîa Sûdanî re û di panel û civînên din de jî bûye.
Piştî hilbijartinên serokatîyê, ji bo destnîşankirina berbijarekî serokwezîrtîyê 15 roj dem heye. Li gor sîstema dabeşkirinê li Îraqê, bûye nerît ku serokwezîr welêt Şî'e be, serokê parlamentê Sunî be û serokkomar jî Kurd be.